Boðskortið fra Bessastöðum tyndist

Klukkan 08.00 var Prinsinn mættur út á völl, íklæddur Turkishbláum samfestingi, með stóran rósavönd og danska fánann. Von var á Fridriki krónprins, eða Frikka höfrungi eins og ég kalla hann, og Mary yndælu prinsessu. Prinsinn hafði sent fax út til hallarinnar og beðið Mary að vera í stíl þ.e.s að klæðast einhverju Turkishbláu....það yrði svona okkar eigið þema, við gætum svo haldið smá þema party á Bessastöðum með Dorit - hún er alltaf til í Turkishblátt party. Prinsinn rétt missti af konunglegu gestunum þar sem hann var að hrista sælgætissjálfsalann, orðinn eldrauður í framan með svitabletti á samfestingnum - allt af því að Haribo hlauppokinn festist í sjálfsalanum....Það átti að verða "Welcome gift" handa Frikka höfrungi.

Prinsinn þeyttist að sjálfsögðu út af flugvellinum og brunaði eftir Keflavíkurveginum á Pútunni sem var alskreytt danska fánanum. Þegar Prinsinn nálgaðist konunglegu bílalestina þeytti hann lúðrana í ofvæni og var stöðvaður af lögreglunni sem svo hélt honum örlitla stund þar sem Prinsinn leit ekki alveg út fyrir að vera konungborinn í sveittum samfestingi með rósir út um allan bíl og danska fánann flaggaðann á þakinu.

Hvað er lögreglumönnum kennt í Lögregluskóla ríkisins nú til dags, Prinsinum er bara spurn! Ætti ekki að slaka á kennslunni í að hrista hárlakksbrúsa og raddæfingum sbr. skrílslætin upp við Rauðavatn. Ætti ekki að leggja örlítið meiri áherslu á virðingu og auðmýkt við þá konungbornu - Prinsa er aftur spurn?

Prinsinn lét nú ekki einhverja stráklinga í leðurgalla með stjörnu Björns Bjarnasonar stöðva sig. Hann hélt beinust leið í höllina á Kirkjuveginum til að skipta um dress því halda skildi í hádegisverðaboðið á Bessastöðum, boðskortið gleymdist greinilega í pósti. íslandspóstur fer sömu leið og Lögregluskólinn. Þetta verður allt tekið í athugun um leið og hægist á samkvæmislífi Prinsa.

Nú var rétti tíminn til að skella upp kórónunni svo það færi ekkert á milli mála á Bessastöðum hver Prinsinn væri. Prinsinn skellti einnig upp rúbín hálskeðjunni og gulu samkvæmishönskunum. Pútan var í gangi fyrir utan. Upp í bíl og brunað á Bessastaði, yfir hringtorg, stöðvunarskyldur gleymdust...þó ekki sjoppan - Prinsinn þurfti pulsu " Skrifaðu þetta bara á Óla og Dorit".

Prinsinn tók hægri beygju inn á afleggjarann að Bessastöðum, nærri lentur út í skurði - upp að Bessastöðum og stökk út úr bílnum, rétt missti kórónuna og var stöðvaður við innganginn. Prinsinn ekki sáttur. Tók af sér gulu samkvæmishanskana og gaf lögregludrengnum eitt gott spark á viðkvæman stað. Honum var nær að líta ekki betur á gestalistann. Prinsi tók á rás og hljóp á bak við hús og laumaði sér inn um kjallaradyrnar þar sem hann gat náð andanum og skellt gulu samkvæmishönskunum upp aftur. Prinsinn rétt náði upp í andyri á Bessastöðum þegar heil hersveit, öllu heldur sérsveit tók á móti Prinsinum. Prinsi, léttur á fæti - þökk sé Boot-camp- stökk niður stigann, og út aftur - yfir túnið í átt að forsetabústaðnum. Aðaldyrnar læstar og sérsveitin á efir... Prinsi pakkaði kórónunni saman, margborgar sig að hafa gert kórónu úr bylgjupappa, og skreið inn um glugga og hljóp upp á efri hæð, inn um dyr, lokaði og læsti - allt fyrir konungsveldið. Prinsinn var staddur í fataherbergi Doritar, hrein paradís þar sem Prinsinn þurfti nú nýtt dress fyrir næstu atlögu. Prinsinn dró fram gullna dragt aftarlega af slánni, skellti sér í hana, náði þó ekki að renna upp...helv Boot-camp og sprayaði svolítið Chanel nr.5 á sig.

Úr því að Stjörnur Björns Bjarnasonar stóðu í vegi fyrir hápunkti samkvæmislífs Prinsa þá varð hann að venda sér yfir í plan B (B stendur fyrir Bo Halldórs - en það er allt önnur saga.) Plan B var að taka á móti Frikka höfrungi og Mary yndælu prinsessu við Áslandsskóla í póstnúmeri 220. Pútan úti og Prinsi kominn í gull - ávísun á velgegni.

Plan B (Bo Halldórs) var stöðvað á Álftanesveginum af Trukkabílstjórum sem höfðu fengið of mikinn piparúða á sig upp við Rauðavatn og voru nú orðnir ringlaðir yfir afhverju þeir voru að mótmæla - þeir höðu sem sagt gengið til liðs við sérsveit Björns Bjarnasonar. Prinsinn var dreginn öskrandi út úr Pútunni, hálfur í of þröngu gulldressi með rifna kórónu. Fyrsti dagur heimsóknar Friðriks Krónprins og Mary indælu krónprinsessu endaði fyrir Prinsinn upp í gám á trukk.

Það er þó þrír dagar eftir af heimsókninni

Prinsi fúll og bitur út í Björn Bjarnason